#請至少學會尊重🙌🏻
每個人都有唔同嘅長處，有啲人喺音樂，藝術，運動，讀書，其中一方面都較擅長，但可唔可以唔好介定我而家做緊既野係垃圾，係博上位，係扮晒野，係一啲用都冇，請唔好將你既一己之見擺落一班比心機做緊自己想做既野既人身上。
-
你可以有你既前途，可以有音樂夢，可以有運動夢。
你可以唔拍片，但你唔可以批評人地拍片。因為你唔做既野，唔代表我做緊既野係怪異，係唔啱。我可能做緊既事，唔係大眾都會做既事，但同時唔代表咁樣就可以隨意被踐踏。
-
我尊重你地既選擇，麻煩都請尊重一下我做既野。我唔係犯咗什麼殺人放火既事，我只係拍下片仔，做下直播仔，你有你個人感受唔鍾意我，去憎我，可以。
-
舉多個例子，好多人都鍾意追星，鍾意動漫，鍾意唔同既角色人物，會去追隨同支持，同樣地，你可以唔鍾意人地咁做，但呢個係每個人既選擇，所以你都唔可以去踐踏人地既選擇，尊重。
-
我個人本身已經冇乜野叻，所以呢樣野對我好重要，講說話之前，諗一諗比聽到既人知道會有咩後果。
香港學生普遍都因為壓力太大而輕生，當中既「說話」更係最大既武器。
-
將心比心，我同樣地將同一番說話指向其中一個人，相信都唔會好受。
-
最後，我唔係想指責邊一個人，我只係好重視我而家所做緊既事。
你可以唔中意我份人，但你唔可以擊呢個行業，呢個興趣，每個行業，每個興趣都係個人選擇，都應該值得被尊重。
Search